स्कटल्यान्डको एबर्डिनमा आगलागीमा परी दुई नेपाली दिदीबहिनीले ज्यान गुमाएका छन्।
एबर्डिनको ब्याक हिल्टन रोडमा बस्दै आएका आँचल सुवेदी र शिक्षा सुवेदीको गत सोमबार साँझ आगलागीमा परेर मृत्यु भएको स्थानीय मिडियाले जनाएका छन्।
शिक्षा र आँचल प्रा डा यज्ञराज सुवेदीका छोरी हुन्। उनीहरुमध्ये शिक्षा २४ वर्ष र आँचल २०-२५ कै हाराहारीमा रहेको उल्लेख गरिएको छ।
मृतकका बाबुआमा उक्त घटनाका बेला घरबाहिर रहेकाले सुरक्षित रहेको वताइएकाे छ ।
छिमेकीको फ्ल्याटमा शुरु भएको आगो सल्किएर सुवेदी परिवारको फ्ल्याटसम्म आइपुग्दा घटना भएको उल्लेख गरीएकाे छ भने घटनाबारे स्थानीय प्रहरीले थप अनुसन्धान गरिरहेको छ। प्रहरीले प्रारम्भिक अध्ययनमा घटनालाई शंकास्पद नठानेको जनाएको छ।
