काठमाडौँ । परराष्ट्रमन्त्री डा. आरजु राणा देउवा र बेलायत सरकारकी संसदीय उपसचिव ब्यारोनेस हेमनबीच शिष्टाचार भेटवार्ता भएको छ ।
शुक्रबार भएको भेटमा दुई देशबीचको ऐतिहासिक सम्बन्ध, विकास सहकार्य र आपसी हितका विषयमा छलफल भएको मन्त्री राणाले बताइन् । सो अवसरमा मन्त्री राणाले बेलायत सरकारबाट प्राप्त सहयोगप्रति आभार व्यक्त गरिन् ।
नेपाल र बेलायतबीचको सम्बन्ध इतिहास, विश्वास र सहकार्यमा आधारित रही आएको र यस किसिमका उच्चस्तरीय भ्रमणले सम्बन्धलाई अझ सुदृढ बनाउने विश्वास व्यक्त गरिएको उनले सामाजिक सञ्जालफेसबुकमा लेखेकी छन् ।
हेमन नेपाल सरकारले आयोजना गरेको ‘सगरमाथा संवाद’ कार्यक्रममा सहभागी हुने नेपाल आएकी हुन् ।
