आसफोर्ड । किरात याक्थुङ चुम्लुङ्ग युके अन्तर्गत थामेनदिङ्गमा महिला समिति बेलायतले बलिहाँङ तङ्नाम (देउसी ) कार्यक्रम सम्पन्न गरेकाे छ । गत १० नोभेम्बर २०२४ का दिन आशफोर्ड सगरमाथा कम्युनिटीको अफिस हलमा किरात याक्थुङ् चुम्लुङ्ग युकेका उपाध्यक्ष दिपेन्द्र याक्सोको प्रमुख आथिथ्यतामा बलिहाँङ तङ्नाम मनाइएकाे हाे ।
कार्यक्रममा राष्ट्रिय कलाकार गायिका सुनिता थेगिम, अमृता सम्बाहाम्फेले सांगीतिक प्रस्तुती राखेका थिए । साथै साेही अवसरमा आशफोर्डका बाल कलाकारहरुद्वारा विभिन्न नृत्य पनि प्रस्तुत गरिएकाे थियाे ।
थामेन्दिङ्मा महिला समितिका अध्यक्ष मन माया नेम्बाङ्गको सभापतित्वमा भएको कार्यक्रमलाई चुम्लुङ युकेकी सहसचिव शकुन्तला नेम्बाङ्गले संचालन गर्नुभएको थियो ।
