लन्डन । ईरानले इजरायलमा मिसाइल आक्रमण गरेको छ । यतिखेर पूरै इजरायलमा साइरन बजाइएको छ ।
ईरानबाट आफ्नो भूमिमा मिसाइल आक्रमण भएको इजरायली सेना (आइडीएफ) ले नै पुष्टि गरेको अन्तर्राष्ट्रिय सञ्चारमाध्यमले जनाएका छन् । इजरायली सेनाले त्यहाँका नागरिकहरूलाई सचेत रहन र होम फ्रन्ट कमाण्डको निर्देशन पालना गर्न आग्रह गरेको छ । सेनाले मानिसहरूलाई साइरन बजेको सुन्नासाथ सुरक्षित स्थानमा जान र नयाँ सूचना जारी नभएसम्म त्यहीँ बसिरहन पनि आग्रह गरेको ती सञ्चारमाध्यममा उल्लेख छ ।
बीबीसीका अनुसार इजरायलमाथि दुई मिसाइल खसालेको आवाज सुनिएको जनाएका छन् । यतिखेर इजरायलले इरानसमर्थित लडाकु समूह हमास, हिज्बुल्लाह र हुथीविरुद्ध आक्रमण गरिरहेको छ ।
