लन्डन । बेलायतको राजधानी लन्डनस्थित ऐतिहासिक सोमरसेट हाउसमा आगलागी भएको लन्डन फायर ब्रिगेड (एलएफबी) ले जनाएको छ ।
एलएफबीले सोमरसेट हाउसमा आगलागी भएको सूचना पाएलगत्तै अग्नी नियन्त्रकको टोली पठाएको जनाएको छ । आगो निभाउन १५ बारुणयन्त्र परिचालन गरिएको छ । आगलागीपछि खिचिएका दृष्यमा धुवाँको मुस्लो फैलिएको र कर्मचारी तथा आगन्तुकहरू बाहिर उभिरहेको देखिन्छ ।
लन्डन प्रहरीले घटनामा मानवीय क्षति भने नभएको जनाएको छ । प्रहरीका अनुसार आगलागीको कारण अझै थाहा हुन सकेको छैन । मध्य लन्डनमा रहेको सोमरसेट हाउस जर्जियाली युगका भवनहरू र स्क्वायरहरू ट्यूडरहरूको समयमा निर्माण गरिएको हो ।
