लन्डन- नेपाल पत्रकार महासंघ (एफएनजे) युके शाखाको छैठौं अधिवेशनका लागि गठित निर्वाचन समितिले पूर्णता पाएको छ ।
सोमबार साँझ भर्चुअल माध्यमबाट सम्पन्न शाखाको कार्यसमितिको बैठकले शाखाका निवर्तमान अध्यक्ष नरेश खपांगीमगर संयोजक रहेको निर्वाचन समितिको सदस्यमा शाखाका सल्लाहकारहरु पूर्ण गुरुङ र प्रजय शुक्ललाई नियुक्त गर्ने निर्णय गरेको छ भने सोलिसिटर उत्तरमान तिगेलालाई निर्वाचन समितिलाई आवश्यक कानूनी परामर्शको लागि नियुक्त गरेको छ ।
बैठकले आगामी जुलाई १४ मा हुने शाखाको छैठौं अधिवेशन आयोजनाका लागि उपाध्यक्ष प्रमिला लावुङ राईलाई संयोजक तोकेको छ भने कार्यक्रम संयोजक वरिष्ठ उपाध्यक्ष दिनेशकुमार परियार र आर्थिक संयोजक कोषाध्यक्ष एसके गुरुङलाई तोकेको छ ।
बैठकले निर्धारित मितिमै अधिवेशन सफलतापूर्वक सम्पन्न गर्न महासंघ केन्द्रीय समितिसंग समन्वय गर्ने र शाखाका सम्पूर्ण सदस्यलाई सहभागिता तथा सहयोगको लागि आव्हान गर्ने निर्णय समेत गरेको छ । शाखाको आगामी जुलाई १४ मा अल्डरसटमा हुने अधिवेशनले नयाँ कार्यसमिति निर्वाचित गर्नेछ ।
