काठमाडाैं । स्पेनिस लालिगा २०२४–२५ शुरू भएको छ । गएराति भएको उद्घाटन खेलमा गेटाफे र एथलेटिकले बराबरी खेल्दै अङ्क बाँडेका छन् ।
एस्टाडियो डे सान मामेसमा गएराति भएको पहिलो खेलमा गेटाफे र एथलेटिक क्लबले १–१ गोलको बराबरी खेल्दै अङ्क बाँडेका हुन् । एथलेटिकका ओइहान सान्केटले खेलको २७ औँ मिनेटमा गरेको गोल गेटाफेका क्रिसन्टस उचेले ६४ औँ मिनेटमा फर्काएपछि खेल बराबरी भएको हो ।
योसँगै दुवै टोलीले एक अङ्क बटुलेका छन् । गएराति भएको दोस्रो खेलमा रियाल बेटिस र जिरोनाले पनि १–१ गोलको बराबरी खेल्दै अङ्क बाँडेका छन् । रियालका मार्क बारट्राले खेलको ४ मिनेटमै गरेका गोल जिरोनाका जाव्रियल मिसेहाउले ७२ औँ मिनेटमा फर्काएका छन् ।
