,

लिम्बू पत्रकार सङ्घको केन्द्रीय अध्यक्षमा सन्देश सुब्बा चयन

Bimala Sene Avatar

ताप्लेजुङ । लिम्बू पत्रकार सङ्घको केन्द्रीय अध्यक्षमा सन्देश सुब्बा इङ्वा निर्वाचित हुनुभएको छ । शुक्रबार तेह्रथुमको बसन्तपुरमा सम्पन्न तेस्रो महाधिवेशनले इङ्वा अध्यक्ष रहेको केन्द्रीय कार्यसमिति निर्विरोध निर्वाचित भएको हो ।

निवर्तमान उपाध्यक्ष विजयबोध लावतीका अनुसार पछि मनोनित गरेर पदपूर्ति गर्नेगरी महाधिवेशनमार्फत २१ सदस्यीय केन्द्रीय समिति चयन भएको छ । कार्यसमिति उपध्यक्षमा सचितानन्द लिम्बू, महिला उपाध्यक्षमा सुजता निङ्लेकु लिम्बू, महासचिवमा जीवन योङ्हाङ लिम्बू चयन हुनुभएको छ । 

यस्तै, सचिवमा ज्ञानु केदेम, सम्पदा योङ्या लिम्बू र कोषाध्यक्षमा दिलकुमार फेम्बु लिम्बू चयन हुनुभएको छ । सदस्यहरुमा सविना लिम्बू, धनबहादुर लिम्बू, मौसमी पारघरी लिम्बू र सिंहराज लिम्बू चयन हुनुभएको छ । बाँकी सदस्य सबै जिल्लाबाट प्रतिनिधित्व हुनेगरी मनोनित गरिने निवर्तमान उपाध्यक्ष लावतीले बताउनुभयो ।

लिम्बू पत्रकार सङ्घको दोस्रो महाधिवेशनबाट अध्यक्षमा निर्वाचित देवेन्द्र खापुङ नेतृत्वको कार्यकाल सकिएको करिव पाँच वर्षपछि तेस्रो महाधिवेशन भएको हो । तेस्रो महाधिवेशनको तयारी अन्तिम चरणमा पुगेको बेला कोभिड महामारी फैलिएपछि महाधिवेशन स्थगित हुन पुगेको थियो । कोभिड महामारीसँगै स्थगित भएको महाधिवेशन करिव आठ वर्षपछि आयोजना गरिएको छ ।

तेह्रथुमको पर्यटकीय गन्तव्य बसन्तपुरको चोलुङ पार्कमा आयोजना गरिएको तेस्रो महाधिवेशन लालीगुराँस नगरपालिकाका प्रमुख अर्जुन माबोहाङको प्रमुख आतिथ्यतामा सम्पन्न भएको छ । नेपाल आदिवासी जनजाति पत्रकार महासङ्घ (फोनिज) कोशी प्रदेशका पूर्वअध्यक्ष सन्तबिर लामा लगायतले महाधिवेशन सफलताको शुभकामना व्यक्त गर्नुभएको थियो ।      

Oman Gauchan "Hanson" Avatar
About Gurkha Channel

Gurkha channel is the sister company of Gurkha TV and the first 24-hour Nepali channel operating from the international capital of the world,London, United Kingdom. Gurkha Channels believes in honesty, respect, and unity. We belong to the land of Lord Buddha, Mt. Everest, and gallant people who sacrifice their lives for peace and humanity. Therefore, in this world of globalization, it is our effort to bring all Nepalese from around the world together and make one family: one Nation.

Search