संसदीय सुनुवाइ विशेष समितिले अख्तियार दुरुपयोग अनुसन्धान आयोगको आयुक्तका लागि प्रस्तावित पाँचै जनालाई सर्वसम्मतिले अनुमोदन गरेको छ ।
समितिको आजको बैठकले दीप बस्न्यात, नवीनकुमार घिमिरे, डा गणेशराज जोशी, राजनारायण पाठक र सावित्री गुरुङलाई आयुक्तमा अनुमोदन गरेको हो ।
आयुक्तमा अनुमोदित व्यक्तिहरूमध्ये बस्न्यात, घिमिरे र जोशी विभिन्न मन्त्रालयको सचिवका रुपमा सेवा गरेर निवृत्त भएका हुन् भने भने पाठक नायब महान्यायाधिवक्ताबाट सेवा निवृत्त भएका हुन् । श्रीमती गुरुङ त्रिभुवन विश्वविद्यालयका प्राध्यापक हुन् ।
सुनुवाइ समितिमा उनीहरूले अख्तियारका कामकारबाहीलाई प्रभावकारी बनाउन अनुसन्धान पद्धतिमा सुधार ल्याउने र भ्रष्टाचार नियन्त्रण गर्ने, अख्तियारको जिम्मेवारीलाई पूर्णता दिन राजनीतिक नेतृत्वबाट समेत इच्छाशक्ति र प्रतिबद्धता आउनु आवश्यक भएकामा जोड दिए ।
संवैधानिक परिषद्को सिफारिसअनुसार केही साताअघि उनीहरूको नाम सुनुवाइका निम्ति समितिमा प्रस्तुत गरिएको थियो ।
नेपालको अन्तरिम संविधान, २०६३ अनुसार संसदीय सुनुवाइबाट अनुमोदन भएका पदाधिकारीहरूलाई राष्ट्रपतिले नियुक्ति गर्ने प्रावधान छ ।
रासस
} else {
