लन्डन । बेलायतको आशफोर्डमा आयोजित १३औँ वार्षिक ‘गोर्खा वाक’ भव्य रूपमा सम्पन्न भएको छ। गोर्खा पिस फाउन्डेशनद्वारा जुन ७ मा आशफोर्डस्थित ग्रेट चार्ट प्लेइङ्ग फिल्ड्समा आयोजित पदयात्रामा करिब ३ हजार जनाको सहभागिता रहेको फाउन्डेशनले जनाएकाे छ ।
ब्रिटिश सेनाले प्रदान गर्ने सर्वोच्च सैन्य पदक ‘भिक्टोरिया क्रस’ प्राप्त १३ जना पूर्व गोर्खा सैनिकहरूको सम्मान र सम्झनामा हरेक वर्ष यो पदयात्रा आयोजना हुँदै आएको छ । पदयात्रामा नौमती बाजा र साकेला नृत्यले विशेष आकर्षण थपेको थियो। कार्यक्रममा सहभागीहरूले गोर्खा समुदायको इतिहास, योगदान र सांस्कृतिक पहिचानलाई उत्सवका रूपमा मनाएका थिए।
कार्यक्रमलाई सम्बोधन गर्दै आशफोर्डका सांसद सोजन जोसेफले गोर्खा समुदायको जीवन्त एकीकरण र बृहत् ब्रिटिश समाजमा अमूल्य योगदानको प्रशंसा गरे। त्यस्तै गोर्खा जस्टिस क्याम्पेनसंग आबद्ध पिटर क्यारोलले बेलायत र गोर्खाहरूबीचको ऐतिहासिक सम्बन्धबारे चर्चा गर्दै निरन्तर सहयोग र पारस्परिक सम्मानको महत्त्वलाई जोड दिए ।
कार्यक्रमलाई सम्बोधन गर्दै आशफोर्डका सांसद सोजन जोसेफले गोर्खा समुदायको सक्रिय सामाजिक एकीकरण तथा बेलायती समाजमा पुर्याएको योगदानको प्रशंसा गरे। गोर्खा जस्टिस क्याम्पेनका अभियन्ता पिटर क्यारोलले बेलायत र गोर्खाहरूबीचको ऐतिहासिक सम्बन्ध स्मरण गर्दै आपसी सम्मान र सहकार्यलाई निरन्तरता दिनुपर्नेमा जोड दिए।
गोर्खा वाक सम्पन्न भएपछि आयोजित सांस्कृतिक महोत्सवमा नेपालबाट आएका राष्ट्रिय कलाकारहरू सोनी कुँवर, नीरा थापा मगर, पूनम गुरुङ र गोबिन पुनले सांगीतिक प्रस्तुति दिएका थिए। कलाकार शिवदास गुरुङलगायतले नृत्य प्रस्तुत गरी कार्यक्रमलाई थप मनोरञ्जनात्मक बनाएका थिए।
