लण्डन । सिरुबारी प्रथम पर्यटकीय गाउँ युकेको अध्यक्षमा डेभिड गुरुङ चयन भएका छन् । लण्डनमा पर्यटकीय गाउँ सिरुबारीवासीहरुको गाउँले भेलाले गुरुङको अध्यक्षतामा नयाँ समिति चयन गरेको हो ।
२९ जुन आइतबार साउथ इस्ट लण्डनको प्लमस्टिड कमनमा सम्पन्न भेलाले उपाध्यक्षमा नवराज गुरुङ र सचिवमा धन बहादुर गुरुङलाई चयन गरेको हो ।
भेलामा गाउँघरको संस्कार, रीतिथिति जगेर्ना र परदेशमा भावी पुस्तालाई हस्तान्तरण एवं आफ्नो पुर्खौली गाउँ र त्यस भेगलाई कसरी माथि उकास्न सकिन्छ भन्नेबारेमा वृहत छलफल भएको थियो ।
सिरुबारीका क्या. मोहन गुरुङ र सुवर्ण गुरुङको सहजीकरणमा भएको उक्त भेलामा लण्डनको व्यस्तताबीच सिरुबारीवासीहरू उत्साहपूर्वक एकत्रित भएका थिए ।
सो भेटघाटमा सिरुबारी गाउँका बासिन्दाहरु जगदीश गुरुङ सोँपाल समाज यूकेको अध्यक्ष, डेभिड गुरुङ एनआरएनए यूके प्रमुख संरक्षक र विजय बहादुर गुरुङ एनआरएनए यूकेको आइसीसी सदस्य भएको उपलक्षमा बधाई दिंदै सिरुबारी गाउँलेद्वारा फेटा र खादाबाट सम्मान गरिएको थियो ।
भेलाका सहभागीले १५ असारको शुभकामना पनि बांडेका थिए ।
