लन्डन । नेपालकी सरिना घलेले डब्लूएमएसी ब्रिटिस ओपन च्याम्पियनसिपमा स्वर्ण पदक जितेकी छन् । बेलायतको ग्लोसेस्टरस्थित अक्सटल्स स्पोर्ट्स एरिनामा शनिबार भएको प्रतियोगितामा सरिनाले चाइनिज क्रिएटिभ फममा स्वर्ण जितेकी हुन् ।
सरिनाले स्वर्ण जित्ने क्रममा स्कटल्यान्डकी एमेलिया पार्किनलाई पछि पारेकी थिइन् । सरिना हाल उच्च शिक्षा अध्ययनका क्रममा बेलायतमा रहेकी छन् ।
उनले यसअघि पनि बेलायतमै गत फेब्रुअरी ९ तारिखमा भएको डब्लूएमएसी इङलिस च्याम्पियनसिपमा स्वर्ण जितेकी थिइन् ।
उमा कुङफुकी तेश्रो डान सरिना बेलायतमै सेप्टेम्बर १८ देखि २१ तारिखसम्म हुने डब्लुएमएसी इलाइट वर्ल्ड च्याम्पियनसिपमा सहभागिताका लागि तयारी गरिरहेकी छन् ।
