लन्डन । नेपाल आदिवासी जनजाति महासंघ (नेफिन) यूकेले आगामी ६ सेप्टेम्बरमा पूर्वसभामुख ओनसरी घर्ती मगर र नेकपा माओवादी केन्द्रका सचिव एवं पूर्वमन्त्री राम कार्कीसँग विशेष अन्तरक्रिया कार्यक्रम आयोजना गर्ने भएको छ ।
अल्डरसटस्थित प्यालेस रेस्टुरेन्टमा बिहान ११ बजे हुने अन्तरक्रिया कार्यक्रममा नेपाली नागरिकता निरन्तरता र संयुक्त राष्ट्रसंघको घोषणाअनुसार आदिवासी जनजातीको अधिकारबारे छलफल हुने नेफिन यूकेका अध्यक्ष मेजर योगेश कोयी राईले जानकारी दिनुभयो ।
सेप्टेम्बर २ मा लन्डन आउन लाग्नु भएका मगर र कार्की माओवादी सम्बद्ध जातीय मुक्ति मोर्चाहरुको बेलायत शाखाको आगामी ७ सेप्टेम्बर २०२५ मा हुने संयुक्त सम्मेलनमा सहभागी हुनु हुनेछ ।
कार्यक्रममा घर्ती र कार्कीसँगै किराती मुक्ति मोर्चा, नेपालको केन्द्रीय महासचिव वसन्त राई पनि बेलायत आउने तयारी रहेको सम्मेलनका संयोजक कर्मा पहाडी शेर्पाले जानकारी दिनुभएको छ ।
