लन्डन । गैरआवासीय नेपाली संघ (एनआरएनए) यूकेले आपतकालिन राहत कोष स्थापना गर्ने भएको छ ।
राजेन्द्र पुडासैनी नेतृत्वको (एनआरएनए) यूकेले अध्यक्ष पुडासैनीको अध्यक्षतामा आइतबार जुम मार्फत भर्जुचल रुपमा बसेको कार्यसमितिको पुर्ण बैठकले यूकेवासी नेपालीहरुलाई आपत पर्दा सहयोग गर्न उक्त कोष स्थापना गर्ने निर्णय गरेको हो ।
कार्यसमितिका पदाधिकारीहरु र सदस्यहरुबाटै सहयोग सुरु गरि आपतकालिन राहत कोष प्रक्रियालाई अघि बढाउदै लैजाने निर्णय भएको संघका महासचिव दिवाकर पाण्डेयले बताए । उनका अनुसार यूकेवासी नेपालीका सुख र दुखमा एनआरएनए साथमा छ भन्नका लागि राहत कोष स्थापना गर्न लागिएको हो ।
कार्यसमिति बैठकले बेलायतमा निधन भएर नेपालसम्म शव लैजान स्वर्गीय प्रतिमा वादेलाई सहयोग गर्ने पनि निर्णय गरेको छ । उनका परिवारले नेपालमा दाह संस्कार गर्न नेपाल शव लैजान सहयोग मागेको सन्दर्भमा सहयोग गर्ने निर्णय गरेको महासचिव पाण्डेयले बताए ।
त्यस्तै, बैठकले नेपालमा जिएनजीको आन्दोलनमा निधन भएको युवाहरुको सम्मानमा एक मिनेट मौन धारण गरि श्रद्धान्जली समेत व्यक्त गरेको छ ॥
