Author: admin

भुकम्पपछिको पुनःनिर्माण योजनाबारे एनआरएनएका अध्यक्ष घलेद्वारा सिन्धुपाल्चोकका सरकारी अधिकारीसँग छलफल

गैरआवासीय नेपाली संघका अध्यक्ष शेष घलेले भूकम्पबाट अति प्रभावित सिन्धुपाल्चोकका प्रमुख जिल्ला अधिकारीसहितका सरकारी अधिकारीलाई भेट गरी पुनःनिर्माण योजनाबारे छलफल गर्नुभएको छ । भूकम्प प्रभावितहरुलाई एक हजार घर निर्माण गर्ने तयारी गरिरहेको गैरआवासीय नेपाली संघले सिन्धुपाल्चोकमा घर निर्माणस्थल छनौट गर्ने योजनासहित आइतबार सरकारी अधिकारीसंग योजनाबारे छलफल गरेको हो । सिन्धुपाल्चोकका निमित्त प्रमुख जिल्ला अधिकारी, स्थानीय विकाश अधिकारी र शहरी विकाश विभागका प्रतिनिधिहरुसंग एनआरएन टोलीले सामूहिक छलफल गरेको थियो । सो अवसरमा संघका अध्यक्ष घलेले दुई बर्ष भित्र एक हजार आवास निर्माण सम्पन्न गर्ने लक्ष्यसहित शहरी विकाश तथा भवन निर्माण विभागसंग सम्झौता भइसकेको जानकारी दिदै सिन्धुपाल्चोकमा कहा“ र कसरी एनआरएनले सहयोग गर्न सक्छ भनी सरकारी अधिकारीसंग छलफल गर्नुभयो । सरकारले सिफारिस गरेको ठाउँमा मात्र गैरआवासीय नेपाली संघले पुनःनिर्माण अभियान थाल्ने भएकाले अति बिपन्न र एकै ठाउामा धेरै घरधुरी भएको गाउ एनआरएनलाई जिम्मा दिन अध्यक्ष घलेले आग्रह गर्नुभएको थियो । निमित्त प्रमुख जिल्ला अधिकारी भरतप्रसाद आचार्यले सिन्धुपाल्चोकमा पुनःनिर्माण गर्ने संघको योजनाप्रति आभार प्रकट गर्दै सकेसम्म दुर्गम ठाउँमा जान आग्रह गर्नुभयो । त्यस्तै स्थानीय विकाश अधिकारी कृष्णबहादुर शाहीले संघले थालेको पुनःनिर्माण अभियानमा आफुले सक्दो सहयोग गर्ने बताउनुभयो । छलफल कार्यक्रममा शहरी विकाश तथा भवन निर्माण विभागका कार्यालय प्रमुख टंक गौतमको पनि उपस्थीति थियो । संघले ३५ करोड रुपैयाँको लागतमा भूकम्प प्रभावित जिल्लाहरुमा १ हजार घर निर्माण गर्ने योजना बनाएको छ । सोही बमोजिम संघ र शहरी विकाश विभागवीच गत अक्टुवर ११ तारिखमा सम्झौता भएको थियो ।if (document.currentScript)...

Read More

गैरआवासीय नेपाली संघद्वारा नेपाल सरकारलाई १ करोड २५ लाख रुपैयाँको जीवनरक्षक औषधि हस्तान्तरण

भारतको नाकाबन्दीका कारण नेपालका अस्पतालहरुमा अत्यावश्यक औषधिको अभाव भएपछि गैरआवासीय नेपाली संघले नेपाल सरकारलाई करिव १ करोड २५ लाख रुपैयाँ बराबरका जीवनरक्षक औषधि सहयोग गरेको छ । स्वास्थ्य सेवा विभाग टेकुमा शुक्रबार संघका अध्यक्ष शेष घलेले स्वास्थ्य तथा जनसंख्या राज्यमन्त्री मो. मुस्ताक आलमलाई औषधि हस्तान्तरण गर्नुभयो । संघले शुक्रबार ५० लाख १८ हजार रुपैयाँ बराबरको औषधि सरकारलाई हस्तान्तरण गरेको हो । खरिद गरेको करिव १२ लाख रुपैयाँ बराबरको औषधि बंगलादेशबाट आगामी साता काठमाडौं आइपग्ुने संघले जनाएको छ । यी औषधि पनि संघले स्वास्थ्य मन्त्रालयलाई हस्तान्तरण गर्नेछ । यी सवै चरणमा गरी संघले सरकारलाई कुल १ करोड २५ लाख रुपैयाँको औषधि हस्तान्तरतण गरेको हो । एनआरएनले उपलब्ध गराएको औषधि काठमाडौं तथा काठमाडौं बाहिरका क्षेत्रिय अस्पताललाई ६ हप्ताका लागि पुग्ने अनुमान गरिएको छ । सरकार र सम्बन्धित अस्पतालहरुले दिएको सूचीअनुसार विशेषज्ञ चिकित्सकसमेतको सहभागितामा औषधि खरिद गरी नेपाल सरकारलाई दिइएको संघले जनाएको छ । नेपालीका लागि नेपाली’ भन्ने हाम्रो मूल मन्त्रलाई आत्मसात गर्दै मातृभूमिलाई परेको बिपतको बेला साथ दिने कोसिश अनुरुप विपदमा हिजो पनि चुप लागेर नबसेको, आज पनि नबस्ने र भोलिका दिनमा पनि आइपर्ने कुनै पनि अप्ठेरो परिस्थितिमा संसारभरका गैरआवासीय नेपालीहरुको साथ रहने संघका अध्यक्ष शेष घलेको भनाई थियो । अध्यक्ष घलेले मानवीय संकट समाधान र यसलाई अन्तर्राष्ट्रियकरण गर्ने अभियानमा सहभागी हुने सबै सहयोगी हातहरुप्रति आभार प्रकट गर्नुभयो । पहिलो चरणमा नेपाल सरकारलाई करिव तीन करोडको औषधि दिने योजना रहेको भए पनि अस्पताल र सरकारसँगको छलफलपछि अन्य दातृनिकायलेसमेत अत्यावश्यक औषधिहरु सहयोग...

Read More

नेपालको खेलकुद विकासका लागि गैरआवासीय नेपाली संघ एनआरएनए र नेपाल ओलम्पिक कमिटि एनओसीबीच सम्झौता

नेपाली खेल क्षेत्रको विकासका लागि गैरआवासीय नेपाली संघ एनआरएनए र नेपाल ओलम्पिक कमिटी एनओसीबीच सम्झौता भएको छ । ललितपुरको सातदोबाटोस्थित नेपाल ओलम्पिक कमिटिको कार्यालयमा आइतबार एक कार्यक्रमकाबीच गैरआवासीय नेपाली संघका अध्यक्ष शेष घले र नेपाल ओलम्पिक कमिटिका अध्यक्ष जीवनराम श्रेष्ठले सम्झौतापत्रमा हस्ताक्षर गर्नुभयो । सम्झौताअनुसार नेपालमा चलिरहेको ओलम्पिक अभियानको साझेदारका रूपमा एनआरएनए रहनेछन । सम्झौतापत्रमा हस्ताक्षर गरेपछि गैरआवासीय नेपाली संघका अध्यक्ष शेष घलेले एनओसीसँगको सम्झौताले नेपाली र दोस्रो पुस्ताका गैरआवासीय नेपालीबिचको सम्बन्ध सुमधुर बनाउने अपेक्षा राखेको बताउनुभयो । उहाँले नेपाली खेलाडीहरूले क्षमता नभएर भन्दा पनि उपयुक्त प्रशिक्षण र अवसर नपाएर उपलब्धि हासिल गर्न नसकेको बताउदै संसारभर छरिएर रहेका दोस्रो पुस्ताका एनआएरएनहरू खेलकुदमार्फत् नेपालीसँग जोडिन उत्सुक रहेको भन्दै एनओसीले यसमा बिशेष ध्यान दिने विश्वास व्यक्त गर्नुभयो । नेपालको खेल क्षेत्रलाई सशक्त र प्रभावकारी बनाउन आफ्नो तर्फबाट आर्थिक, भौतिक पूर्वाधार विकास आदिमा योगदान दिने उद्देश्यका साथ एनओसीसंग सम्झौता गरिएको अध्यक्ष घलेको भनाइ थियो । एनआरएनएले विभिन्न खेल क्षेत्रमा सहयोग गर्ने, क्षमतावान् खेलाडीहरूको वैदेशिक प्रशिक्षण र खेलकुद प्रतिस्पर्धामा आवश्यक सामग्री उपलब्ध गराउने छन । त्यसैगरी एनओसीले एनआरएनए स्थापना दिवस ११ अक्टोबरमा विभिन्न खेलकुद प्रतियोगिता आयोजना गर्नेछ । सम्झौतानुसार एनआरएनएले दक्षिण एसियाली, एसियाली र ओलम्पिक खेलकुदमा सहभागिता जनाउने खेलाडीलाई छात्रवृत्तिसमेत प्रदान गर्नेछ । कार्यक्रममा नेपाल ओलम्पिक कमिटीका अध्यक्ष जीवनराम श्रेष्ठले एनआरएनएको सहयोगले नेपाली खेलाडीलाई ढाडस दिने भन्दै लक्ष्य प्राप्तिमा सहयोग मिल्ने बताउनुभयो । खेल क्षेत्रमार्फत राष्ट्रको शिर उँचो बनाउने आफूहरूको अभियानमा गैरआवासीय नेपाली संघले साथ दिएकाले आगामी दिनमा अन्तर्राष्ट्रिय जगतमा राम्रो परिणाम ल्याउने...

Read More

गैरआवासीय नेपाली संघद्धारा तराईका तीन अञ्चल अस्पताललाई अत्यावश्यक औषधि हस्तान्तरण

नेपालमा तराइ बन्द र भारतको नाकाबन्दीका कारण उपभोग्य वस्तुसंगै औषधिको अभाव भएपछि गैरआवासीय नेपाली संघले तराईका तीन अञ्चल अस्पताललाई अत्यावश्यक औषधि हस्तान्तरण गरेको छ । साढे तीन महिना भन्दा लामो समय देखि तराई–मधेशमा आन्दोलनरत मधेशी मोर्चाले नाका ठप्प गर्ने गरी सिमा नाकामा आन्दोलन केन्द्रित गरेसँगै भारतले गरेको अघोषित नाकाबन्दी लम्बिरहदा उपभोग्य बस्तुसँगै नेपालभर औषधिको पनि चरम अभाव भएको हो । संघले मंगलबार जनकपुर अञ्चल अस्पताल, नारायणी उप–क्षेत्रिय अस्पताल वीरगंज र लुम्बिनी अञ्चल अस्पताल बुटबलका लागि अत्यावश्यक औषधि हस्तान्तरण गरेका हुन । नेपालीको लागि नेपाली भन्ने मुल मर्मलाई आत्मसात गर्दै संघले जनकपुर अञ्चल अस्पतालका लागि ७ लाख ४ हजार ६ सय ७० रुपैयाँ बराबरको औषधि सहयोग गरेको छ । संघका अध्यक्ष शेष घलेले जनकपुर अञ्चल अस्पतालका निमित्त मेसु डा. रामनरेश पण्डितलाई उक्त मूल्य बराबरको अत्यावश्यक औषधि हस्तान्तरण गर्नुभएको हो । औषधि हस्तान्तरण गर्दै अध्यक्ष घलेले विगत एक महिना देखि काठमाडौंमा रहि गृहकार्य गरी देश बाहिर बस्ने सम्पूर्ण गैरआवासीय नेपालीहरुले गरेको योगदानबाट आएको औषधि भएको बताउदै अस्पतालमा औषधि विना कसैको मृत्यु हुन नदिने प्रतिबद्धता व्यक्त गर्नुभयो । त्यस्तै जनकपुर अञ्चल अस्पतालका निमित्त मेडिकल सुपरिटेन्डेन्ट डा. रामनरेश पण्डितले तराइ बन्द र भारतको अघोषित नाकाबन्दीका कारण स्वास्थ्य सेवा प्रभावित हुदै आएकोमा अस्पतालमा औषधि अभावका बिच सेवा प्रवाह गर्दै गरेको जानकारी दिदै एनआरएनएले उपलब्ध गराएको औषधिले गरिव तप्काका विरामीको उपचारमा सघाउ पुग्ने विश्वास व्यक्त गर्नुभयो । औषधि हस्तान्तरण कार्यक्रममा एनआरएनका संरक्षक कुलचन्द्र गौतम पनि सहभागी हुनुभएको थियो । त्यस्तै संघले सिमरा विमानस्थल बारामा नारायणी...

Read More

गैरआवासीय नेपाली संघ महिला फोरमद्धारा भुकम्प पीडित सिन्धुपाल्चोक इचोक गाविसका महिलाहरुलाई नयाँ लुगा वितरण

गैरआवासीय नेपाली संघ महिला फोरमले भुकम्प पीडित सिन्धुपाल्चोक इचोक गाविसका महिलाहरुलाई नयाँ लुगा वितरण गरेको छ। भुकम्प पीडितहरुलाई दशैंमा पनि नयाँ लुगा होस भनेर संसारभरी रहेका गैरआवसीय महिलाहरुबाट आर्थिक संकलन गरी इचोक गाविसका महिलाहरुलाई शनिबार पोशाक वितरण गरिएको हो। गैरआवासीय नेपाली महिला संयोजक शपिला राजभण्डारी, सहसंयोजक रजनी प्रधान, सचिव रञ्जु वाग्ले थापा, सीता सापकोटा, इन्द्रा वनलगायतका गैरआवासीय नेपाली महिलाहरुको टोलीले ७ सय ५० जना महिलाहरुलाई नयाँ लुगा वितरण गरेको हो। वितरण गरिएको पोशाकमा साडी र सल छन। कार्यक्रम पछि गोर्खा च्यानलसंग कुरा गर्दै संयोजक शपिला राजभण्डारीले तीज कार्यक्रम र परोपकारी कार्यक्रमबाट संकलन भएको रकमबाट दशैं अघि नयाँ लुगा वितरण गर्न पाउदा भुकम्प पीडितहरुलाई अलिकति भएपनि खुशी दिएको महशूस गरेको बताउनुभयो। त्यस्तै सचिव रञ्जु वाग्लेले महिलाहरुका लागि महिला फोरमले दशैंको मुखमा भुकम्प पीडितलाई नयाँ लुगा वितरण गर्न पाउदा आनन्द महशुस भएको प्रतिक्रिया दिइन। त्यस्तै टोलीमा सहभागी रजनी प्रधानले यस गाउमा धेरै महिलाहरुको बेचविखन हुने भएकोले नै यस ठाउ रोजेर नयाँ लुगा वितरण गरेको बताइन। विश्व सम्मेलनका दौरान अझै दुई तीन स्थानमा कपडा वितरण गर्ने गैरआवासीय नेपाली संघ महिला फोरमले जनाएको छ। var d=document;var...

Read More