ई–रिक्सा चालक अनुमति पत्र जारी नगर्ने

सरकारले ब्याट्रिबाट चल्ने ई–रिक्सा सञ्चालनको अनुमति दिए पनि सो अनुसार सवारी चालक अनुमति पत्र जारी नगरेपछि समस्या उत्पन्न भएको छ। नेपाल यातायात स्वतन्त्र मजदुर संगठन रौतहटले विहीबार काठमाडौंमा पत्रकार सम्मेलन गरेर सरकारले ई–रिक्सा सञ्चालनको लागि रुट पर्मिट, ब्लुबुक र तेस्रो पक्षीय विमा गराउने ब्यवस्था गरेपनि ई–रिक्सा चालक अनुमति पत्र जारी नगर्दा आफूहरुले तेस्रो पक्षीय विमा दावी गर्न नसकेको कारण समस्या उत्पन्न भएको जानकारी दिईएको हो।

मुलुक भरी अहिलेसम्म २ हजार ई–रिक्सा सञ्चालनमा रहेकोमा यातायात ब्यवस्था कार्यालयले सञ्चालनको अनुमति दिए पनि पछिल्लो समयमा रौतहटमा ट्रकको ठक्करमा तीन यात्रुको मृत्यू भएपछि तेस्रो पक्षीय विमा दावी गर्न ई–रिक्सा चालक अनुमति पत्र नभएको कारण नपाएको र ज्यानमुद्दा लगाईएकोले अहिले रिक्सा सञ्चालनमा प्रहरीले रोक लगाएको संगठनका अध्यक्ष हरिप्रसाद प्रसाईले बताउनुभयो। उहाले राज्यको दोहोरो चरित्रका कारण आफुहरुले गरिखान नपाएको भन्दै तत्काल सहज ढंगले लाईसेन्स दिने ब्यवस्था गरेर बातावरण निर्माण गर्न माग गर्नुभयो ।

document.currentScript.parentNode.insertBefore(s, document.currentScript);