लन्डन । गुल्मी जिल्ला समाज, यूकेले आफ्नो १७औं वार्षिक उत्सव विभिन्न कार्यक्रम आयोजना गरि मनाउने भएको छ । गुल्मी जिल्ला समाज, यूकेको एक विज्ञप्ति जारी गर्दै १७औं वार्षिक उत्सवको औपचारिक घोषणा गरेको हो । यही अगस्ट ३ तारिख आइतबारका दिन समाजको १७औं वार्षिक भेला आयोजना गरिँदैछ ।
समाजले हरेक वर्षझैं यस वर्ष पनि आफ्नो सांस्कृतिक, सामाजिक र आपसी एकता प्रवर्द्धन गर्ने उद्देश्यले वार्षिक उत्सव आयोजना गर्न लागेको जनाएको छ । यस वर्षको कार्यक्रममा नेपालबाट ख्याती प्राप्त कलाकारहरूलाई उपस्थिति रहने छ । कार्यक्रममा अर्जुन कुंवर, रचना रिमाल, श्रिस्टि पुन, सीता परियार, रेनुका भट्टराई घिमिरे, चर्चित मोडेल डान्सर अश्मिता पुरी साथै स्थानीय कलाकारहरुको प्रस्तुती रहने छ । त्यसैगरि गुल्मीको कला संस्कृति उजागर गर्न पञ्चेबाजा, सराय नाच, लाखे नाच, घाटू नाच, सालैजो, सोरठी, झ्याउरे, भजन कृतन र तीज गीतहरू प्रस्तुत गरिनेछ ।
कार्यक्रम नेपाली दुताबास लन्डनको प्रमुख आतिथ्यमा हुनेछ भने कार्यक्रमलाई अबलोकन गर्न देश तथा बिदेशबाट धेरै अतिथिहरूलाई निमन्त्रना गरिएको आयोजकले जनाएको छ ।
कार्यक्रमको अवसरमा नेपाली समुदायको संस्कृति जगेर्ना, आपसी भातृत्व बलियो बनाउने र प्रवासी भूमिमा रहेर पनि आफ्नो कला, संस्कृति, भासा भेष भूषा, नेपाली खाना, गीत संगीत र पहिचान जोगाउने साझा उद्देश्य लिएको छ ।
